İyirmi ildən artıqdır ki Azərbaycanda yaşayan Fransa vətəndaşı Siril Rabbat Fransa Prezidenti Emmanuel Makrona məktub ünvanlayıb. Bu barədə 8 noyabr tarixində “Qafqazinfo” məlumat verib.
Siril Rabbat qeyd edib ki, o, azərbaycanlı həyat yoldaşı və uşaqları ilə birgə Azərbaycanda yaşayır və işləyir.
O, Emmanuel Makrona məktubu Azərbaycan neft və qazının Fransaya və Aİ-yə idxalına embarqo qoyulması məqsədilə noyabrın 15-də Fransa Senatında baxılacaq qətnamə ilə bağlı yazıb:
“Hörmətli cənab Prezident, mən siyasətdən danışmaq istəmirəm və bu sahədə mütəxəssis də deyiləm, lakin Ukraynadakı mövcud vəziyyəti və Rusiyanın neft və qaz idxalına qarşı sanksiyaları nəzərə alaraq, üstəgəl tezliklə qışın da gəldiyini nəzərə alsaq, indi belə sanksiyalar tətbiq etməyin vaxtıdırmı?”
S.Rabbat Azərbaycandakı iş təcrübəsindən də danışıb və iqtisadiyyatın müxtəlif sahələrində iyirmi ildən artıq təcrübəyə malik olduğunu bildirib.
“Məgər Sovet İttifaqı dağılandan sonra Azərbaycanla diplomatik əlaqələr quran ilk ölkələrdən biri Fransa deyildimi?” - məktubda qeyd edilib.
S.Rabbat qeyd edib ki, Azərbaycanda yaşayan Fransa vətəndaşlarına hər zaman xüsusi münasibət göstərilib: “Mən bunu şəxsi təcrübəmdən təsdiq edə bilərəm”.
Sonda isə S.Rabbat Fransanın dəyərlərinin qarantı kimi Prezident E.Makronu təkcə Azərbaycan xalqının deyil, bütün dünya xalqlarının qəlbində və şüurunda Fransaya olan hörmət hissini qorumağa çağırıb.
Qeyd edək ki, Fransa Senatı ölkəmizə qarşı tətbiq etmək istədiyi sanksiyalara qarşı 10 vətənpərvər tərəfindən Mesopinions.com saytında petisiya yerləşdirilib. Petisiya artıq 95 minə yaxın səs toplayıb.
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Petisiyanın fars dilində imzalanma qaydası
Petisiyanın ingilis dilində imzalanma qaydası
Petisiyanın qazax dilində imzalanma qaydası
Petisiyanın özbək dilində imzalanma qaydası
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
View this post on Instagram
