34 illik evlilik bitdi, əmlak bölgüsü isə Cənubi Koreyanın ən iri holdinqlərindən birində səhm satışına səbəb oldu.
Məhkəmə SK Group-un rəhbəri Çe Te Vonun keçmiş həyat yoldaşı No So Yona 944 milyard von ödəməsi barədə qərar verib. No So Yon Cənubi Koreyanın sabiq prezidenti Ro De Unun qızıdır. Milyarder SK Inc.-dəki səhmlərinin bir hissəsini məhz bu məbləğə — təxminən 703 milyon dollara (1,2 milyard manat) satıb.
Satışdan sonra onun şirkətdəki payı 17,76%-dən 15,49%-ə düşüb. O, hələ də şirkətin ən böyük səhmdarıdır.
Qeyd edək ki, milyarder Bill Qeyts və Melinda Qeyts də 27 illik evlilikdən sonra, 2021-ci ildə boşanıblar. Onlar əmlak bölgüsü barədə razılığa gəliblər. Razılaşmanın detalları açıqlanmayıb.
