Azərbaycan və Türkiyə arasında miqrasiya sahəsində əməkdaşlıq haqqında memorandum imzalanıb. Bu barədə 6 iyun tarixində Türkiyənin Miqrasiya İdarəsi məlumat verib.
“Qardaş ölkə Azərbaycanla miqrasiya sahəsində əməkdaşlıq haqqında memorandum imzaladıq”, – idarənin sosial şəbəkə hesabında diqqətə çatdırılıb.
Bildirilib ki, Dövlət Miqrasiya Xidmətinin rəisi Vüsal Hüseynov və onun türkiyəli həmkarı Atilla Torosun imzaladığı sənəd ilə “bilik və təcrübə paylaşması yolu ilə miqrasiya sahəsində qətiyyətli addımlar atılması təmin ediləcək”.
