Azərbaycanlı gənc Əlisahib Qarayev dünyanın ən böyük kimya istehsalçısı şirkətində fəaliyyətə başlayıb. Bu barədə 31 may tarixində Report məlumat verib.
O, BASF şirkətinin Maliyyə və Mühasibatlıq Departamentində “EMEA - Regional Treasury Analyst “vəzifəsinə təyin olunub.
Qeyd edək ki, Ə.Qarayev 2016-2020-ci illərdə Azərbaycan Universitetinin Biznes və İqtisadiyyat ixtisası üzrə bakalavr dərəcəsini yüksək nəticə ilə başa vurub.
O, 2020-2021-ci illərdə Berlin şəhərində yerləşən “International University”də “International Finance and Accounting” ixtisasında magistr təhsili alıb. 2022-ci ildə dünyanın ən nüfuzlu konsaltinq şirkətlərindən biri olan KPMG-də maliyyə məsləhətçisi kimi təcrübə keçib.
İngilis və alman dillərini bilir.
