Nyu-York polisi BMT-nin mənzil-qərargahı önündə dinc aksiya keçirən həmvətənlərimizə qarşı təxribat törədən Cobanyan Sulyanı həbs edib. Bu barədə 17 avqust tarixində Report məlumat yayıb.
Qeyd edək ki, ABŞ-nin Nyu-York şəhərində yaşayan Azərbaycan icmasının fəalları BMT-nin mənzil-qərargahı önündə aksiya keçiriblər.
Aksiya Ermənistanın guya Azərbaycanın Laçın yolunu bağlamaqla “humanitar böhran” yaratdığına dair iddialarına etiraz məqsədilə baş tutub. Dinc aksiya keçirən həmvətənlərimizə qarşı ermənilər təxribat törədiblər.
Onlar yoldan keçən maşınların qarşısını kəsib və həmvətənlərimizə təzyiq göstəriblər, daha sonra əraziyə polis gəlib.
BMT Təhlükəsizlik Şurası Ermənistanın müraciəti ilə Laçın yolunu müzakirə etmək üçün təcili iclas keçirib. Sessiyada ölkəmizi BMT-dəki daimi nümayəndəmiz Yaşar Əliyev təmsil edib.
[gallery link="file" size="full" ids="125940,125941,125942"]
