Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin sahibkarlarla növbəti görüşü Samux rayonunda baş tutacaq. Bu barədə İnsanoid “Azəriqaz”a istinadən bu gün, 1 may tarixində məlumat verir.
“Azəriqaz”ın İqtisadiyyat Nazirliyinin tabeliyində Kiçik və Orta Biznesin İnkişafı Agentliyinin (KOBİA) nümayəndəsinin iştirakı ilə “Açıq #mikrofon” aksiyası çərçivəsində sahibkarlarla Samuxda görüş təşkil olunacaq.
Aksiya Samux şəhəri, Heydər Əliyev prospekti, 167 ünvanında (YAP-nin inzibati binasının qarşısı) baş tutacaq. “Səyyar qəbul otağı” mayın 3-də saat 15:00-dan 16:00-a qədər sahibkarların xidmətində olacaq. İstənilən təklif və problemlər yerindəcə aydınlaşdırılacaq və müvafiq qərarlar veriləcək.
