Yerli istehsallı qaz sayğaclarının kütləvi tətbiqinə başlanılır. Bu barədə "Azəriqaz" İstehsalat Birliyinin şöbə müdiri Rövşən Məhyəddinov məlumat verib.
Bu barədə 13 may tarixində APA məlumat verib.
Artıq Gəncə Cihazqayırma Zavodundan 2 minə yaxın qaz sayğacı alınıb.
"Həmin qaz sayğacları həm sınaq qurğularında, həm də "Azəriqaz" İB-nin təbii qaz şəbəkəsində yoxlanılıb. Yoxlama zamanı hər hansı qüsur aşkarlanmayıb. Növbəti aydan məişət tipli qaz sayğaclarına olan tələbat yerli istehsal hesabına təmin olunacaq. İlkin mərhələdə qüsurla işləyən qaz sayğaclarının yenilənməsi zamanı, eyni zamanda yeni qazlaşdırılan fərdi evlər və mənzillərdə yerli istehsal olan sayğaclar quraşdırılacaq".
Qeyd olunub ki, iyundan etibarən Gəncə Cihazqayırma Zavodunda ümumilikdə 405 min ədəd sayğacın kütləvi istehsalına başlanılacaq və il ərzində "Azəriqaz" İB-yə təhvil veriləcək.
