Bakının Nəsimi rayonunda himayəsində olan azyaşlı bacısı qızını diləndirən şəxs saxlanılıb. Bu barədə martın 18-də Daxili İşlər Nazirliyi məlumat yayıb.
Azyaşlını dilənçiliyə sövq edənin əvvəllər məhkum olunmuş Yevlax sakini Pərviz Bədəlov olduğu məlum olub.
Araşdırma zamanı azyaşlının valideyn himayəsindən məhrum olduğu və sağlamlığı üçün ciddi təhlükə yarandığı müəyyən edilib. Azyaşlı müvəqqəti sığınacağa yerləşdirilib.
Pərviz Bədəlov barəsində isə araşdırmalar davam etdirilir.
