İlahiyyatçı Hacı Salmanın saxlanılması barədə bəzə təfərrüatlar məlum olub. Bu barədə İnsanoid Baku Tv-yə istinadən bu gün, 26 iyun tarixində xəbər verir.
Hadisə 22 iyun tarixində Abşeron rayonunun Masazır qəsəbəsində baş verib.
Ağsu şəhərində yaşayan və bura qonaq gələn azyaşlının yolun kənarında oynadığını görən ilahiyyatçı onu yanına çağırıb. Daha sonra ona əxlaqsız hərəkətlər edən ilahiyyatçı azyaşlının qohumlarını gördükdə oradan qaçaraq uzaqlaşıb.
Azyaşlının dayısı həmin şəxsin sözügedən ərazidə yaşamadığını, falçının yanına gəldiyini söyləyib:
“Dükanın yanında gördüm ki, bankomatdan pul çıxarır. Yaxınlaşdım ona, həmin şəxs olub-olmadığını təsdiqləmək üçün mənimlə gəlməyini xahiş etdim. Gəldik, yoldaşım da, uşaq da həmin adam olduğunu təsdiqlədi. Bu şəxs isə boynuna almadı, din adamı olduğunu dedi. Abşeron Rayon Polis İdarəsinə zəng etdim. Polislər gəlib götürdülər. Orada isə hər şeyi boynuna aldı”.
