Böyük Britaniyanın Müdafiə Nazirliyi Azərbaycanın Minatəmizləmə Agentliyinin (ANAMA) 13 nəfər partlayış qrupu işçilərinə təlim keçirib. Bu barədə martın 15-də ANAMA-dan məlumat verilib.
Təlim Agentliyin və Böyük Britaniyanın ölkəmizdəki səfirliyi arasında əldə edilən razılaşmaya əsasən təşkil olunub. Təlim zamanı ANAMA işçiləri partlayıcı qurğuların iş prinsipi və zərərsizləşdirilməsi barədə bilik və bacarıqlarını təkmilləşdiriblər.
Mina və hərbi sursatların zərərsizləşdirilməsinə dair təşkil olunan təlim ANAMA-nın Füzuli rayonunda yerləşən Horadiz Regional mərkəzində keçirilib.
