Rusiya və Azərbaycan səhnəsində tanınan Bahh Tee-nin (Bəxtiyar Əliyev) keçmiş həyat yoldaşı Fərqanə Həsənovanın öz İnstagram səhifəsində etdiyi paylaşım müzakirələrə səbəb olub.
Bu barədə İnsanoid bu gün, 18 iyul tarixində xəbər verir.
Belə ki, o, iştirak etdiyi “Golden Hand Awards” gözəllik müsabiqəsinidə ədalətsizliklə üzləşdiyini bildirib. Bununla əlaqədar isə model müsabiqənin təşkilatçısı Pərviz Əzimzadəni günahlandırıb.
Fərqanə Həsənovanın dediklərinə görə, Pərviz ona finalda yer vəd edərək, ölkəyə qayıtmağını xahiş edib. Hər şey də bundan sonra başlayıb:
“Müsabiqəyə hazırlıq ərəfəsində hər şeyi öz hesabıma etməyə məcbur oldum - obrazlar, ayaqqabılar və s. Yarış günü bizə heç yemək də vermədilər. Mən ac olduğumu deyəndə təsisçisi mənə kartoflu “pirojki” təklif etdi. O, bizdən reklam çəkilişləri üçün istifadə edirdi. İştirakçı olaraq bizə heç bir məbləğ ödəmirdi, o, bütün ödənişləri özü alırdı”, - model öz səhifəsində yazıb.
Fərqanə əlavə edib ki, Pərviz müsabiqə günü stilistlərin, vizajistlərin olacağını vəd verib, lakin burada da vədlər yalan çıxıb. Nəticədə o, geyim, eləcə də vizajist və stilist xidmətlərini öz vəsaiti hesabına ödəyib.
Fərqanə bildirib ki, ona yarışmanın yerlərinin əvvəlcədən satılaraq qızlar arasında paylanıldığı aydın olub:
“Aparıcı müəyyən bir qıza xüsusi diqqət ayırırdı. Hər şeyi qabaqcadan bilə-bilə üzümə gülən bəzi qızlar məni şoka saldı. Müsabiqədə olan beş tacdan ikisi təxminən 1.50 metr boyu olan qızlara verildi. Ümumiyyətlə, mən pul və reklam xatirinə istifadə olunub, aldadılmışam. Qızlar, sizə məsləhətim: heç vaxt Azərbaycanda gözəllik yarışmasına qatılmayın. Burada hər şey pulla alınır. Həmin insanlar hər şeyi öz xeyirlərinə edərək sizi aldadacaqlar, hətta elə bir şəkildə ki, heç nə başa düşməyəcəksiniz. Heyif ki, buna çox pul xərcləmişəm, heyif ki, mən buna qol çəkmişəm. Bilin ki, bütün bunları edən Pərviz Əzimzadədir, heç vaxt onunla əlaqə saxlamayın. Səhvlərimi təkrarlamayın”.
Bəxtiyar Əliyev və Fərqanə Həsənova 2016-2019-cu illərdə ailəli olublar. Həsənovanın sözlərinə görə, boşanma səbəbi məşhur müğənninin xəyanəti olub.
[caption id="attachment_122350" align="alignnone" width="696"]
Foto Fərqanə Həsənovanın şəxsi İnstagram səhifəsi[/caption]
