Bakının Xəzər və Nəsimi rayonlarında 4 nəfərin yaralanması ilə nəticələnən yol qəzaları baş verib. Bu haqda martın 16-da APA məlumat yayıb.
Buzovna qəsəbəsində 37 yaşlı qadını və yeniyetmə qızını avtomobil vurub. Hər iki yaralı xəstəxanaya yerləşdirilib. Bildirilib ki, qızın vəziyyəti ağırdır.
Digər hadisə Həsən Əliyev və Səməd Vurğun küçələrinin kəsişməsində qeydə alınıb. “BMW” markalı maşın kəsişmədən keçərkən iki avtomobilə çırpılıb və nəticədə aşıb. Sürücü xəsarət alaraq avtomobildə sıxılı vəziyyətdə qalıb. Digər avtomobildəki sürücü də xəstəxanaya çatdırılıb.
Faktlarla bağlı araşdırmalar aparılır.
Yanvarın 1-dən fevralın 1-dək respublikanın avtomobil yollarında 53 yol qəzası olub. 60 nəfər həlak olub, 33 nəfər isə yaralanıb.
