Bakının Nəsimi rayonunda intihara cəhd hadisəsi baş verib. Bu haqda İTV xəbər yayıb.
Nəsimi rayonunda yerləşən kafelərdən birindən müştərilərdən birinin boğazından xəsarət alması ilə bağlı Təcili Tibbi Yardım Stansiyasına məlumat daxil olub. 20 yaşlı qız huşsuz vəziyyətdə xəstəxanaya çatdırılıb. Onun həyatı xilas edilib.
Kafenin inzibatçısı Ceyhun Səmədov bildirib ki, həmin qız evində özünə xəsarət yetirib. Boğazını kəsdikdən sonra yaylıq bağlayaraq kafeyə gəlib. Daha sonra ürəyi gedib. İnzibatçı qeyd edib ki, həmin şəxs onların daimi müştəriləri olub.
Məlumata görə, 20 yaşlı qızın atası yaxın günlərdə həbsxanadan çıxıb və son günlərdə qızının geyimi ilə bağlı mübahisələr yaşayıblar. O, atasına geyimin şəxsi məsələ olduğunu bildirərək müdaxilə etməməsini tələb edib, buna etiraz olaraq özünə xəsarət yetirib.
Video: İTV
