Bakı Apellyasiya Məhkəməsi həyat yoldaşını qətlə yetirməkdə təqsirləndirilən şəxsin cəzasını artırıb. Bu haqda 15 mart tarixində Report məlumat yayıb.
Meyxoş Cəfərovun 13 il müddətinə azadlıqdan məhrumetmə cəzası 14 il 3 ay həbs cəzası ilə əvəz edilib.
İnsident 2021-ci il iyulun 24-də Xəzər rayonu, Binə qəsəbəsində baş verib. 32 yaşlı qadın aralarında yaranan mübahisə zamanı əri tərəfindən bıçaqlanaraq öldürülüb. Vətəndaş barəsində “qəsdən adam öldürmə” və “qanunsuz olaraq qaz silahı, soyuq silah saxlama” maddələrilə ittiham irəli sürülüb.
Qeyd edək ki, cütlüyün 3 uşağı olub. Məlumata görə, mərhum və uşaqları əri tərəfindən tez-tez döyülürmüş.
