Aprelin 11-də Trend-dən verilən məlumata görə, Bakının Nizami rayonunda yaşayış binasının sökülməsinə başlanılıb.
Bina Rüstəm Rüstəmov küçəsi 88-98 ünvanında yerləşir. Həmin binadan artıq sakinlər tam köçürülüb.
1960-ci ildə istifadəyə verilən və indiyədək 90 ailənin yaşadığı bina söküləcək və yerinə müasir standartlara cavab verən yeni bina tikiləcək. Buna kimi 90 ailənin 2 il müddətində aylıq 350 manat kirayə haqqı qarşılanacaq.
Qeyd edək ki, ərazidəki 11 binanın mərhələli şəkildə sökülməsi nəzərdə tutulur. İlkin mərhələdə 5, növbəti mərhələdə isə 6 bina söküləcəyi gözlənilir.
