Bakı-Ağstafa-Bakı marşrutu üzrə artmaqda olan sərnişin tələbatı ilə əlaqədar olaraq, 27 avqust tarixinə əlavə qatar reysləri təyin edilib. Bu barədə 24 avqust tarixində “Azərbaycan Dəmir Yolları” QSC məlumat verib.
Əlavə təyin edilən qatar bazar günü saat 08:25-də Bakı Dəmiryol Vağzalından Ağstafaya çıxacaq, 17:10-da isə Ağstafa Dəmiryol Vağzalından Bakıya yola düşəcək.
Xatırladaq ki, Bakı-Ağstafa-Bakı marşrutu üzrə ənənəvi qrafiklə hər gün saat 08:45-də Bakıdan yola düşən qatar saat 13:42-də Ağstafaya, əks-istiqamətdə saat 18:15-də Bakıya yola düşən qatar isə saat 23:15-də mənzil başına çatır.
