Bakı-Ağstafa-Bakı marşrutu üzrə 19 və 20 avqust tarixlərinə hər iki istiqamət üzrə əlavə qatar reysləri təyin edilir.
Bu barədə 16 avqust tarixində “Azərbaycan Dəmir Yolları” QSC (ADY) məlumat yayıb.
Təyin edilən qatarlar həftəsonu saat 08:25-də Bakıdan Ağstafaya çıxacaq, 17:10-da isə Ağstafadan Bakı Dəmiryol Vağzalına yola düşəcək.
Bakı-Ağstafa-Bakı marşrutu üzrə qatarlar ənənəvi qrafiklə hər gün Bakıdan saat 08:45-də, Ağstafadan isə 18:15-də yola düşür.
