Rusiyanın “Aeroflot” aviaşirkətinə məxsus “Su 1857” təyyarəsində Bakı-Moskva reysi ilə uçan sərnişin Şeremetyevo Hava Limanında ölüb. Bu barədə 10 fevral tarixində Report məlumat verib.
Sərnişin tromb tıxanması nəticəsində dünyasını dəyişib.
Bildirilib ki, "Su-1857" təyyarəsi fevralın 6-da axşam saatlarında Bakıdan uçub. Təyyarə enən zaman Yuri Z. adlı sərnişin qəfildən özünü yaxşı hiss etməyib və boğulmağa başlayıb. Daha sonra huşunu itirib.
Təcili yardım maşını B terminalının 178 saylı dayanacağına gələnə kimi sərnişin artıq vəfat edib.
