Bakı–Quba–Rusiya ilə dövlət sərhədi ödənişli avtomobil yolunda ödəmə məntəqələri və qiymət cədvəli açıqlanıb. Bu barədə 31 oktyabr tarixində Azərbaycan Avtomobil Yolları Dövlət Agentliyi məlumat yayıb.
Yolun ödənişli hissəsinin başlanğıc və son nöqtələri aşağıdakı kimi müəyyən olunub:
- Giləzi ödəmə məntəqəsi, 23-cü km, (mövcud magistral yolun 75-ci km-i);
- Siyəzən ödəmə məntəqəsi, 53-cü km, (mövcud magistral yolun 105-ci km-i);
- Gəndob ödəmə məntəqəsi, 85-ci km, (R1 Gəndob-Xaçmaz-Yalama yolunun 1-ci km-i);
- Xaçmaz ödəmə məntəqəsi, 107-ci km, (R4 Quba-Xaçmaz yolunun 19-cu km-i).
Ödənişli yoldan istifadə edən sürücülər daxil olduqları ödəniş məntəqələrindən başlayaraq yalnız qət edəcəyi məsafəyə (km) uyğun ödəniş etməlidirlər.
Qeyd edək ki, H.Z.Tağıyev qəsəbəsindən başlayaraq tikilən yeni 150 kilometrlik avtomobil yolunun 129 kilometr hissəsi ödənişli yol kimi müəyyən edilib.
[gallery link="file" columns="2" size="full" ids="136362,136363"]
