Bakı-Quba-Rusiya sərhədi ödənişli avtomobil yolunda avtomobili yüksək sürətlə idarə edən qadın məsuliyyətə cəlb edilib. Bu barədə İnsanoid bu gün, 15 fevral tarixində xəbər verir.
77-ES-777 nömrə nişanlı “Range Rover” markalı maşını 200 km/saat sürətlə idarə edərək videoya çəkən qadının kimliyi yol polisi tərəfindən müəyyənləşdirilib. Avtomobil saxlanılaraq cərimə meydançasına salınıb.
Baş DYP İdarəsinin inspektoru polis leytenantı Elvin Hacıyev bildirib ki, sürücü Axundzadə Əsmər Roman qızı yol hərəkəti qaydalarını kobud şəkildə pozduğuna görə yol polisi əməkdaşları tərəfindən saxlanılıb:
“Onun barəsində ciddi intizam tədbirləri görülüb. Bir daha bütün sürücülərə və digər yol hərəkət iştirakçılarına müraciət edərək bildiririk ki, reytinq xətrinə bu kimi qayda pozuntularına yol verməsinlər. Nəzərə alsınlar ki, belə şəxslər barəsində ciddi tənbeh tədbirləri görüləcək”.
[video width="1920" height="1080" mp4="https://insanoid.com/storage/thumbs/large/2024/02/Copy-of-Sequence-02.mp4"][/video]
