Bakıda 3 marşrutun hərəkət sxemi müvəqqəti dəyişdirilir. Bu barədə 31 yanvar tarixində Bakı Nəqliyyat Agentliyi məlumat verib.
Belə ki, 1 fevral tarixində saat 08:00-dan 18:00-dək Suraxanı rayonundakı Xanlar Ələkbərov və Səttar Bəhlulzadə küçələrinin kəsişməsində yerləşən qorunan dəmiryol keçidində aparılacaq təmir işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq ediləcək.
Tətbiq ediləcək məhdudiyyətlərə uyğun olaraq, 104, 208, 209 nömrəli marşrutların hərəkət sxemi dəyişdirilərək müvəqqəti İlqar Məmmədov və Vladimir Balandin küçələrinin kəsişməsində yerləşən dəmir yolu keçidindən təşkil ediləcək.
