Qətlə yetirilən Bikə Əhmədova Xətai rayonu 59 saylı tam orta məktəbin direktoru vəzifəsində çalışıb. Bu barədə APA 13 fevral tarixində xəbər verib.
Hadisə ailənin Xətai rayonu General Şıxlinski küçəsi, 29 ünvanında olan evlərində qeydə alınıb. Ailədə olan münaqişənin qətllə nəticələndiyi bildirilir.
Ailənin böyük oğlu, 25 yaşlı Əhməd Əhmədov balta ilə anası Bikə Əhmədovanı, atası Mehman Əhmədovu və 9 yaşlı Məhəmməd Məmmədovu qətlə yetirib.
Hadisə barədə polisə qonşular məlumat veriblər.
Hazırda hadisə yerinə hüqüq-mühafizə orqanlarının əməkdaşları cəlb olunublar, istintaq hərəkətləri aparılır.
Bakıda 25 yaşlı oğlan atasını, anasını və azyaşlı qardaşını qətlə yetirib 17:03
Bakının Xətai rayonunda bir ailənin üç üzvü qətlə yetirilib. Bu barədə İnsanoid Daxili İşlər Nazirliyinin (DİN) Mətbuat Xidmətinə istinadən bu gün, 13 fevral tarixində məlumat verir.
Fevralın 13-də saat 16:30 radələrində paytaxtın Xətai rayonunda 52 yaşlı Mehman Əhmədovun, 47 yaşlı Bikə Əhmədovanın və 9 yaşlı Məhəmməd Əhmədovun kəsici alətlə qətlə yetirilməsi barədə polisə məlumat daxil olub.
Ailə üzvlərini qətlə yetirməkdə şübhəli bilinən 25 yaşlı Əhməd Əhmədov polis əməkdaşları tərəfindən saxlanılıb.
