Bakıda avtobusda cibgirlik edən şəxs tutulub. Bu barədə aprelin 16-da Report-a DİN-dən məlumat verilib.
Binəqədi qəsəbəsində avtobusda A. Cabbarovanın 170 manat pulu, şəxsiyyət vəsiqəsi və bank kartı çantasından oğurlanıb. Oğurluğu törətməkdə şübhəli bilinən, əvvəllər məhkum olunmuş Samir Manafov saxlanılıb.
Onun Binəqədi rayonu ərazisində avtobuslarda daha bir qadının və bir kişinin ciblərindən pul, bank kartları və sənəd olan pulqabılarını oğurlaması da müəyyən edilib.
Faktla bağlı araşdırma aparılır.
