Bakının Nərimanov rayonunda yol-nəqliyyat hadisəsi zamanı bir nəfər ağır xəsarət alıb.
APA-dan aprelin 14-də verilən məlumata görə, qəza Ziya Bünyadov prospektində baş verib.Sabunçu rayon sakini 1956-cı il təvəllüdlü Qocayev Rüstəm magistral yolunun piyada üçün müəyyən edilməmiş hissəsindən keçərkən qəzaya düşüb.
Xəsarət alan piyadanı elə hadisəni törədən sürücü xəstəxanaya çatdırıb. Ona sağ baldır sümüyünün açıq sınığı diaqnozu qoyulub. Həkimlərin verdiyi məlumata görə, yaralının ayağı amputasiya edilib.
Faktla bağlı araşdırma aparılır.
