Bakıda Zuğulba prospekti, Mərdəkan şosesi, Heydər Əliyev prospekti və Yusif Səfərov küçəsində üfüqi nişanlanma xətlərinin rənglənməsi və yol nişanlarının dəyişdirilməsi işləri icra olunur. Bu barədə 13 iyun tarixində Azərbaycan Avtomobil Yolları Dövlət Agentliyi məlumat verib.
Sadalanan işlər iyunun 18-nə qədər davam edəcək.
İşlər gündüz saat 10:00-17:00, gecə saat 23:00-05:00 aralıqlarında icra olunur. Bu səbəbdən sözügedən ərazilərdə işlərin aparıldığı zolaqlar üzrə hərəkət qismən məhdudlaşdırılaraq digər zolaqlara yönəldilir.
