Bakıda Çin vətəndaşının ehtiyatsızlıqdan öldürülməsi faktı ilə bağlı cinayət işi başlanılıb. Bu barədə 2 avqust tarixində Baş Prokurorluq məlumat yayıb.
Avqustun 1-i saat 8 radələrində özəl şirkətlərdən birində quraşdırıcı işləyən Çin Xalq Respublikasının vətəndaşı, 49 yaşlı Ren Zhanmının ölməsi barədə rayon prokurorluğuna məlumat daxil olub.
Onunla eyni şirkətdə operator-sürücü vəzifəsində işləyən Vüqar Cəfərovla birgə Qobustan qəsəbəsində yolda olan maneəni qaldırmaq istəyərkən Ren Zhanmın teleskopik yükləyicinin hissələri arasında qalıb və aldığı xəsarətlərdən ölüb.
Faktla bağlı “ehtiyatsızlıqdan adam öldürmə” maddəsi ilə cinayət işi başlanaraq istintaq aparılır.
