"Azərbaycan Dəmir Yolları" QSC-yə (ADY) məxsus yol təmiri maşını (drezin) dəmir yolunu keçən qadını vurub. Bu barədə İnsanoid ADY-yə istinadən bu gün, 30 noyabr tarixində xəbər verir.
Hadisə bu gün saat 09:20 radələrində Abşeron-Puta mənzilində baş verib.
Drezin hərəkətdə olarkən təxminən 25 yaşlarında qadın dəmir yolu xəttini müəyyən olunmamış yerdən qəfil keçməyə cəhd edib. Maşinist təcili tormozlama edib, lakin qəzanın qarşısını almaq mümkün olmayıb.
Həmin şəxs hadisə yerində ölüb.
