15 aprel gecə saatlarından etibarən Formula 1 Azərbaycan Qran Prisi üçün tikinti-quraşdırma işləri start götürüb. Bu haqda Trend xəbər verib.
“Tikinti-quraşdırma işləri Xaqani küçəsi və Bülbül prospektinin kəsişməsindən başlayır və bütün yarış trekini əhatə edəcək. Ötən ildən fərqli olaraq builki yarış tamaşaçıların iştirakı ilə keçiriləcəyi üçün artıq Bulvar ərazisində tribunaların quraşdırılmasına da başlanılır”, - deyə Formula 1 Azərbaycan Qran Prisinin mətbuat katibi Turab Teymurov söyləyib.
O, görüləcək tikinti işlərini nəzərə alaraq vətəndaşlardan avtomobili idarə edərkən daha diqqətli olmalarını xahiş edib.
Azərbaycanda 6-cı dəfə keçiriləcək Formula 1 Qran Prisi 10-12 iyun tarixlərinə təsadüf edəcək.
