Bakıda həkimi şantaj edərək pul tələb edən “sheffaf.az” saytının baş redaktoruna hökm oxunub. Namik Əmrahov 7 il azadlıqdan məhrum edilib. Bu barədə aprelin 14-də APA məlumat yayıb.
Xəbər portalının baş redaktoru Sabunçu rayonu 37 nömrəli Şəhər Poliklinikasının baş həkimi Ramidə İbrahimovaya özünü “azinfo.tv” və “sheffaf.az” saytlarının rəhbəri kimi təqdim edib. Daha sonra N.Əmrahov onun barəsində rüsvayedici məlumatlar yayacağı ilə hədələyərək 2018-ci ildən bəri ümumilikdə 2 min manat məbləğində pul tələb edərək alıb.
N.Əmrahov “təkrar törədilməklə hədə-qorxu ilə tələb etmə” və “vəzifə səlahiyyətlərindən sui-istifadə” maddələrilə ittiham edilərək həbs edilib.
