Bakıda içərisində 5 926 manat pul olan ödəmə terminalı oğurlanıb. Bu barədə 28 fevral tarixində Report Daxili İşlər Nazirliyinə istinadən məlumat verib.
Bildirilib ki, Suraxanı Rayon Polis İdarəsinin 30-cu Polis Şöbəsinə Hövsan qəsəbəsi ərazisindəki marketlərin birinin qarşısından içərisində 5 926 manat pul olan ödəmə terminalının oğurlanması barədə məlumat daxil olub.
Şübhəli bilinən Bakı şəhər sakinləri, əvvəllər məhkum olunmuş Sanel Nəsirov və Sərxan Şıxıyev saxlanılıblar, daha bir nəfərin isə şəxsiyyəti müəyyən olunub.
Araşdırma aparılır.
