Bakıda bəzi apteklər nağd satışa üstünlük verir. Bu barədə İnsanoid Baku Tv-yə istinadən bu gün, 10 iyun tarixində xəbər verir.
Bir sıra paytaxt apteklərində aparılan gizli çəkilişlərdə məlum olub ki, nağd satışa üstünlük verirlər.
Belə ki, nağd alış zamanı endirim edilən məhsulları kartla əldə etmək istədiyiniz zaman qiymət fərqlənir. Birmənalı olaraq, bu, alıcıların haqlı narazılığına səbəb olur.
Satıcılardan biri qeyd edib ki, kartla ödəniş zamanı vergi tutulur və bu, onlara sərf etmir.
Məsələ ilə bağlı Antiinhisar və İstehlak Bazarına Nəzarət Dövlət Xidmətinin nümayəndəsi qiymətlərin fərqləndirilməsini istehlakçıların hüququnun pozulması adlandırıb.
Alıcı kartla ödəniş etdiyi zaman post-terminaldan çıxarışla yanaşı, nəzarət kassa çeki də ona təqdim edilməlidir.
Belə hallarla rastlaşan vətəndaşlar Dövlət Vergi Xidmətinə və ya 195-1 qaynar xəttinə müraciət edə bilərlər.
[caption id="attachment_118670" align="alignnone" width="696"]
Foto Baku Tv-nin İnstagram səhifəsi[/caption]
