Bakıda güllələnmə hadisəsi baş verib. Bu barədə İnsanoid DİN-ə istinadən bu gün, 11 yanvar tarixində xəbər verir.
Yanvarın 10-u saat 20 radələrində Bakı şəhəri Pirallahı rayonu ərazisində bir nəfərin odlu silahdan açılmış atəşdən aldığı xəsarətlə xəstəxanaya yerləşdirilməsi barədə polisə məlumat daxil olub.
Araşdırmalarla əvvəllər məhkum olunmuş 48 yaşlı İlham Həşimovun yaşadığı evdə sərxoş vəziyyətdə münaqişə zəminində tüfəngdən açdığı atəşlə 55 yaşlı qardaşının ayaq nahiyəsinə xəsarət yetirməsinə əsaslı şübhələr müəyyən edilib.
Pirallahı Rayon Polis İdarəsi əməkdaşlarının keçirdikləri tədbirlərlə İ.Həşimov saxlanılıb. Hadisə yerindən qanunsuz saxladığı “Bum” markalı tüfəng götürülüb.
Faktla bağlı araşdırma aparılır.
