Bakıda kişi qonşusu olan ana və qızını döyüb. Bu barədə 1 noyabr tarixində Report məlumat verib.
Hadisə oktyabrın 30-da Nəsimi rayonunun Ağadadaş Qurbanov küçəsi, 21 ünvanında baş verib.
Belə ki, həmin gün saat 23:00 radələrində 1969-cu il təvəllüdlü Səttərov Sayruz Hidayət oğlu aralarında yaranmış mübahisə nəticəsində kirayədə yaşayan qonşuları, 1959-cu il təvəllüdlü Çabanova Marina Yevgenyevna və qızı, 1987-ci il təvəllüdlü Vəliyeva Nərminə Mayis qızının sifət nahiyəsinə yumruqla xəsarətlər yetirib. Həmin xəsarətlərin təsirindən huşunu itirən Marina Çabanova oktyabrın 31-də saat 09:00 radələrində ayıldıqdan sonra qızı Nərminə Vəliyevanı yataq otağında döşəmənin üzərində ölmüş vəziyyətdə aşkar edib.
Faktla bağlı cinayət işi başlanıb, Sayruz Səttərov şübhəli şəxs kimi saxlanılıb.
