Bakıda mebel sexində baş vermiş partlayışda ölənlərin sayı 6-ya çatıb.Bu barədə 15 yanvar tarixində Report Baş Prokurorluğun Mətbuat Xidmətinə istinadən məlumat yayıb.
Onların meyitləri dağıntılar altından aşkar olunaraq çıxarılıb.
Qeyd edək ki, bu gün Bakı şəhəri Binəqədi rayonunun S.S.Axundov küçəsində yerləşən mebel sexində partlayış-yanğın baş verib.
***
17:25
Bakıda mebel sexində baş vermiş partlayış-yanğın nəticəsində ölənlərin sayı 5-ə çatıb. Bunu Baş Prokurorluğun Kriminalistika və İnformasiya Texnologiyaları İdarəsinin rəis müavini, Kriminalistika şöbəsinin rəisi Orxan Rzayev deyib.
Bu barədə 15 yanvar tarixində APA məlumat verib.
Dağıntılar altından daha iki nəfərin meyiti çıxarılıb. Hazırda axtarış-xilasetmə əməliyyatı davam etdirilir.
Qeyd edək ki, bu gün Bakı şəhəri Binəqədi rayonunun S.S.Axundov küçəsində yerləşən mebel sexində partlayış-yanğın baş verib.
***
15:00
Bakıda mebel sexində baş vermiş yanğınla bağlı cinayət işi başlanıb. Bu barədə 15 yanvar tarixində Report məlumat verib.
İlkin araşdırmalar zamanı dağıntılar altından 3 nəfərin meyiti aşkar olunub.
Hadisə nəticəsində 24 nəfər müxtəlif dərəcəli xəsarətlər alıb.
Faktla bağlı “yanğın təhlükəsizliyi qaydalarını pozma - ehtiyatsızlıqdan iki və daha çox şəxsin ölümünə səbəb olduqda” və “səhlənkarlıq - ehtiyatsızlıqdan iki və daha çox şəxsin ölümünə səbəb olduqda” maddələri ilə cinayət işi başlanılıb.
Partlayışın səbəbinin, dəymiş ziyanın, həcminin iş üzrə əhəmiyyət kəsb edən digər halların müəyyən edilməsi üçün müvafiq ekspertizalar təyin edilib.
Qeyd edək ki, bu gün Bakı şəhəri Binəqədi rayonunun S.S.Axundov küçəsində yerləşən mebel sexində partlayış-yanğın baş verib.
***
14:50
Bakıda sexdəki partlayış-yanğında 24 nəfər xəsarət alıb. Bu barədə 15 yanvar tarixində TƏBİB məlumat yayıb.
19 təcili yardım briqadası hadisə yerinə cəlb olunub.
Məlumata görə, xəsarət alanlardan 1 nəfərə yerində ilk tibbi yardım göstərilib. 23 nəfər isə tibb müəssisələrinə hospitalizasiya olunub.
Hazırda xəsarət alanların hər birinə zəruri tibbi xidmətin göstərilməsi davam etdirilir.
Qeyd edək ki, bu gün Bakı şəhəri Binəqədi rayonunun S.S.Axundov küçəsində yerləşən mebel sexində partlayış-yanğın baş verib.
***
13:36
Bakı şəhəri Binəqədi rayonunun S.S.Axundov küçəsində yerləşən mebel sexində partlayış-yanğın baş verib. Bu barədə 15 yanvar tarixində Report məlumat verib.
Partlayışla bağlı hazırda Baş prokurorun müavini Elmar Camalov və Baş Prokurorluğun Kriminalistika və informasiya texnologiyaları idarəsinin əməkdaşları hadisə yerindədirlər.
Polis əməkdaşları əraziyə cəlb ediliblər.
