Bakıda “Sağlam Gələcəyin Proqnozlaşdırılması üzrə 2-ci illik Qlobal Sammit” çərçivəsində Azərbaycan Milli QHT Forumu yan tədbir təşkil edib. Bu barədə Report 19 iyun tarixində xəbər verib.
Tədbir zamanı yerli QHT-lər və sammitdə iştirak edən xarici təşkilatlar, QHT-lər, ekspert və beynəlxalq fondların nümayəndələri arasında görüş keçirilib, COP29 prosesinə töhfə verə biləcək məsələlər üzrə əməkdaşlıq perspektivləri müzakirə olunub.
Görüşün məqsədi Azərbaycanın səhiyyə və iqlim QHT-ləri üçün qlobal sağlamlıq və COP29-la bağlı bilik, anlayış və təcrübələri bölüşmək və həmçinin beynəlxalq təşkilatlar ilə şəbəkələşməni gücləndirməklə COP29 prosesinə və yekun nəticələrə əsaslı töhfə vermək olub.
Tədbirdə çıxış edən Milli QHT Forumunun idarə heyətinin sədri Ramil İskəndərli COP29 prosesində yerli təşkilatların gördüyü işləri və xarici QHT-lərin dəstəyini vurğulayıb.
Pərvanə Vəliyeva COP29 zamanı İnsan Kapitalı gündəliyi çərçivəsində prioritet məsələlərdən birinin də səhiyyə olacağını qeyd ediib.
