Bakıda manevr işləri aparılarkən bir yük vaqonu relsdən çıxıb. Bu barədə İnsanoid "Azərbaycan Dəmir Yolları" QSC-yə istinadən bu gün, 2 may tarixində xəbər verir.
Hadisə bu gün saat 05:30 radələrində Əhmədli stansiyasında baş verib.
Məlumata görə, nəticədə vaqondan yük axını baş verib. Hadisənin səbəbi araşdırılır və hazırda nəticəsinin aradan qaldırılması istiqamətində zəruri tədbirlər görülür.
Qeyd olunan yük vaqonu Gürcüstan Dəmir Yollarına məxsusdur və 49 ildir istismardadır.
