Bu gün Bakının Xəzər, Qaradağ rayonlarında və Abşeron, Ağsu və Göyçay rayonlarında qaz təchizatı dayandırılacaq.
Bu barədə İnsanoid "Azəriqaz" İstehsalat Birliyinə istinadən bu gün, 25 iyun tarixində məlumat verir.
Xəzər, Qaradağ, Abşeron və Göyçay rayonlarındakı qaz xətlərində görüləcək təmir-quraşdırma işləri ilə əlaqədar iyunun 25-də saat 09:00-dan qaz təchizatının dayandırılması nəzərdə tutulub.
Bu müddətdə Xəzər rayonunun (Mərdəkan bağlar, Stansiya Qala və Mərdakan yeni yaşayış massivlərinin), Qaradağ rayonunun (Lökbatan qəsəbəsi), Abşeron rayonunun (Qobu qəsəbəsi) bir hissəsinin, eləcə də Göyçay şəhəri daxil olmaqla rayonun 25 kəndinin qaz təchizatında müvəqqəti fasilə yaranacaq.
Bundan başqa, "Masazır" yüksək təzyiqli tənzimləmə məntəqəsində, “Qazıməmməd-Qazax” yüksək təzyiqli magistral qaz kəməri ilə “Kəndoba” qaz paylayıcı stansiyasına qaz nəqli ilə bağlı işlər görüləcək. Bu səbəblə bu gün saat 09:00-dan işlər başa çatanadək qaz təchizatının dayandırılması planlaşdırılır.
Təmir müddətində Abşeron rayonunun (Masazır qəsəbəsi və Yeni yaşayış massivi və qeyri-yaşayış sahələri), həmçinin Ağsu rayonunun (rayonun 10 kəndi və qeyri-yaşayış sahələri) bir hissəsinin qaz təchizatında müvəqqəti fasilə yaranacaq.
