Bərdə rayonunun Yeni Daşkənd kəndində baş verən hadisə ilə əlaqədar olaraq Bərdə Rayon Mərkəzi Xəstəxanasına 27 nəfər yerləşdirilib.
Bu barədə TƏBİB məlumat yayıb.
1 nəfərdə xəstəxanayaqədər ölüm halı qeydə alınıb:
"Müxtəlif növ bədən xəsarətləri və digər şikayətlərlə tibb müəssisəsinin müvafiq şöbələrinə yerləşdirilən şəxslərə zəruri tibbi xidmətlər göstərilib. Vəziyyəti qənaətbəxş hesab olunan 2 nəfər ambulator müalicə üçün evə buraxılıb. Digər şəxslərin müalicələri davam etdirilir. 1 nəfərin vəziyyəti ağır, 2 nəfərin vəziyyəti orta ağır, 21 nəfərin vəziyyəti isə stabil qiymətləndirilir".
Bərdə: yas mərasimində döşəmənin çökməsi 1 nəfərin ölümünə səbəb olub 14:53
Bərdə rayonunda yas mərasimi zamanı bədbəxt hadisə baş verib. Bu barədə Report 23 noyabr tarixində xəbər verib.
Rayonun Yenidaşkənd kəndində yas mərasiminə gələn qonaqlar evin ikinci mərtəbəsindəki otaqlardan birində toplaşıblar. Qəfildən ağırlığa dözməyən döşəmə çöküb. Nəticədə 23 nəfər yaralanıb.
Bir nəfər xəstəxanaya çatdırılanadək dünyasını dəyişib. Digər şəxslərin ümumi müayinələri davam etdirilir.
Hadisə zamanı ölən şəxs Məmmədova Sarıtel Abbasəli qızıdır.
