Bərdədə 56 yaşlı kişi qətlə yetirilib. Bu barədə 12 iyul tarixində Report məlumat verib.
Bildirilib ki, iyulun 11-də Bərdə rayonunun Qarağacı kənd sakini, 1967-ci il təvəllüdlü Sahib Bayramovun almış olduğu xəsarətlərdən müalicə aldığı xəstəxanada ölməsi barədə rayon prokurorluğuna məlumat daxil olub.
Aparılmış istintaqla 2006-cı il təvəllüdlü Zöhrab Əsgərovun iyulun 9-da aralarında yaranmış mübahisə zamanı Sahib Bayramova bıçaqla xəsarətlər yetirməsi nəticəsində sonuncunun 2 gün sonra müalicə aldığı xəstəxanada ölməsinə əsaslı şübhələr müəyyən edilib.
Fakta dair “qəsdən adam öldürmə” maddəsi ilə Bərdə rayon prokurorluğunda cinayət işinin istintaqı aparılır.
Zöhrab Əsgərov təqsirləndirilən şəxs qismində cəlb olunaraq barəsində həbs qətimkan tədbiri seçilib.
Hazırda ibtidai istintaq tədbirləri davam etdirilir.
