Bərdədə narkotiklərin dövriyyəsi ilə məşğul olmaqda və quldurluq əməli törətməkdə şübhəli bilinən 8 nəfər saxlanılıb. Bu barədə noyabrın 19-da DİN-dən İnsanoid-ə məlumat verilib.
Belə ki, keçirilən əməliyyat zamanı Qax rayon sakini, əvvəllər məhkum edilmiş İsmayıl Həmidov saxlanılıb. Onun üzərində 2 kiloqram 235 qram olan heroin və 540 qram marixuana aşkar edilərək götürülüb.
Həmçinin şöbə əməkdaşlarının keçirdikləri digər tədbirlərlə daha 6 nəfər tutulub. Ümumilikdə 4 kiloqrama yaxın müxtəlif adda narkotik vasitələr dövriyyədən çıxarılıb.
Bundan başqa, rayon ərazisində qadına qarşı quldurluq əməli törədən 1 nəfər də məsuliyyətə cəlb edilib.
Faktlarla bağlı cinayət işləri başlanılıb.
[gallery link="file" columns="1" size="full" ids="94999"]
