Baş prokuror Tovuz, Şəmkir, Gədəbəy, Ağstafa və Qazax rayon sakinlərinin qəbulunu keçirəcək. Bu barədə 19 iyul tarixində Baş prokurorluq xəbər yayıb.
Görüş iyulun 24-də saat 10:00-da Tovuz rayon prokurorluğunun inzibati binasında keçiriləcək.
Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə qəbula yazıla bilərlər. Eyni zamanda Baş Prokurorluğun Sənədlərlə və Müraciətlərlə İşin Təşkili İdarəsinin (012) 361-14-07 nömrəli telefonu və [email protected] elektron poçt ünvanı, prokurorluğun sosial şəbəkələrdəki səhifələri vasitəsilə də qəbula yazılmaq olar.
