Bəzi küçələrdə bir sıra avtobusların hərəkəti qismən məhdudlaşdırılıb. Bu barədə 21 yanvar tarixində APA Bakı Nəqliyyat Agentliyinə istinadən məlumat verib.
Belə ki, bu gün saat 10:00 radələrindən etibarən Azadlıq prospekti - Füzuli küçəsi, Dilarə Əliyeva küçəsi və Rəşid Behbudov küçəsi istiqamətində bir sıra avtobusların hərəkəti qismən məhdudlaşdırılıb.
Azərbaycan Avtomobil Yolları Dövlət Agentliyi (AAYDA) tərəfindən təmir-bərpa işləri ilə əlaqədar qeyd olunan küçə və prospektdən keçən 2, 4, 5, 14, 61, 79, 85, 88, 88A müntəzəm marşrut xətlərində fəaliyyət göstərən avtobusların hərəkəti qismən məhdudlaşdırılıb.
