Beynəlxalq forumun iştirakçıları Ağdam rayon Baş Qərvənd kəndi ərazisində minadan təmizlənmiş əraziyə baxış keçiriblər.
Bu barədə İnsanoid APA-ya istinadən bu gün, 7 dekabr tarixində xəbər verir.
Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə keçirilən “Dayanıqlı inkişaf məqsədlərinə nail olmaq üçün sağlam ətraf mühit və minasız həyat” adlı forumun qonaqları minadan təmizlənmiş əraziyə baxış keçiriblər.
Qonaqlara Ağdam Şəhidlər xiyabanı haqqında məlumat verilib.
Bir neçə ölkədən 15 beynəlxalq ekspert və yerli QHT nümayəndələri ərazidən tapılan minaların zərərsizləşdirilməsi prosesini izləyiblər.
Səfərdə forum iştirakçılarına minatəmizləmə işləri ilə bağlı məlumat verilib.
Onlar Azərbaycanda ilk qadın minatəmizləmə qrupu, siçovullar və itlərlə minatəmizləmə təlimi haqqında məlumatlandırılıb.
