Biləsuvar rayonunda leysan yağışı və güclü külək bir sıra fəsadlar törədib. Bu barədə 2 may tarixində Report məlumat verib.
Gecə saatlarında leysan yağışı və güclü külək təxminən bir saat ərzində davam edib. Nəticədə şəhərin bir çox küçələrində, eləcə də kəndlərdə yol kənarlarındakı ağaclar aşıb. Həmçinin küçələr subasmaya məruz qalıb, bəzi yerlərdə elektrik enerjisinin verilişində fasilələr yaranıb.
Qırılan ağaclar təmizlənərək yol kənarlarından daşınır, küçələrə yığılmış sular maşınlar vasitəsilə çəkilir. Elektrik verilişində yaranan nasazlıqlar isə aradan qaldırılıb.
[gallery link="file" size="full" ids="114468,114469,114470"]
