Biləsuvar rayonunun Ağalıkənd kəndində şəhidlərin xatirəsinə həsr olunan Şəhidlər Xatirə Parkının açılışı olub. Bu barədə Report 10 may tarixində xəbər verib.
Mərasimdə şəhidlərin ailə üzvləri, yaxınları, ictimaiyyət nümayəndələri və kənd sakinləri iştirak ediblər.
Ağalıkənd kəndi Birinci Qarabağ müharibəsində 2, Vətən müharibəsində 6, sentyabr döyüşlərində isə 1 şəhid verib.
Xatirə parkında yerləşən lövhədə Birinci Qarabağ müharibəsi şəhidləri: Coşqun Qurbanov və İmanverdi Hüseynov, İkinci Qarabağ müharibəsi şəhidləri: Ruslan Qurbanov, Osman Bayramov, Surac Sadıqov, Elmar Mirzəyev, Ziyəddin Xanaliyev və Əlyar Məmmədov, eləcə də sentyabr döyüşləri şəhidi Məhəmməd Məmmədovun adları, fotoları və onlar haqqında məlumatlar öz əksini tapıb.
[caption id="attachment_115449" align="alignnone" width="696"]
Foto Report.az saytı[/caption]
