Biləsuvarda ətraf mühiti məişət tullantıları ilə zibilləyən şəxslər barəsində tədbirlər görülüb. Bu barədə İnsanoid DİN-in Mətbuat Xidmətinə istinadən bu gün, 18 iyul tarixində xəbər verir.
Sanitar-gigiyena qaydalarının pozulması hallarının qarşısının alınması məqsədilə Biləsuvar polisi hərəkətə keçib.
Məişət tullantılarını müəyyən edilmiş yerlərdən kənara atan, ətrafı zibilləyən şəxslər barəsində İnzibati Xətalar Məcəlləsinin 266.3-cü (Məişət tullantılarının tutumlardan (urnalardan) kənar yerlərə atılmasına görə) maddəsi ilə protokollar tərtib edilib.
Bu istiqamətdə tədbirlər davam etdirilir.
