Birinci Qarabağ müharibəsində itkin düşmüş, 32 ildən sonra dəfn yeri və kimliyi müəyyən edilən şəhid Rüfət Məmmədhüseyn oğlu Cabbarovun qalıqları torpağa tapşırılıb. Bu barədə APA 4 iyun tarixində xəbər verib.
Şəhid Rüfət Cabbarovun qalıqları bu gün doğulduğu Siyəzən rayonunun Dağ Quşçu kəndinə gətirilib.
Vida mərasimindən sonra şəhidin qalıqları Dağ Quşçu kənd qəbiristanlığında dəfn olunub.
Şəhid Rüfət Cabbarov 1992-ci ildə Agdərə istiqamətində gedən döyüşlərdə itkin düşüb.
Şəhidin Tərtər rayonu ərazisindəki məzarlıqda naməlum döyüşçü kimi dəfn edildiyi məlum olub və kimliyi dəqiqləşdirilib.
