Qara Əbülfəz oğlu Qarayev 5 fevral 1918-ci ildə Bakıda anadan olub.
İlk musiqi təhsilini Qarayev Azərbaycan Dövlət Konservatoriyası nəzdindəki fəhlə fakültəsində almış, 1933-1938-ci illərdə orada təhsilini davam etdirmişdir.
O, burada Azərbaycan xalq musiqisinin əsasları üzrə Üzeyir Hacıbəyovdan dərs almışdır.
1946-cı ildə Qarayev P.İ.Çaykovski adına Moskva Dövlət Konservatoriyasında
Dmitri Şostakoviçin bəstəkarlıq sinfini bitirir. Bəstəkar 1946-1947-ci ildən ömrünün sonuna kimi indiki Üzeyir Hacıbəyov adına Bakı Musiqi Akademiyasında dərs deyib.
O, 1946-сı ildə akademiyanın professoru, 1949-1953-cü illərdə rektoru olur. Onun tələbələri arasında Vasif Adıgözəlov, Oqtay Zülfüqarov, Arif Məlikov, Xəyyam Mirzəzadə kimi tanınmış bəstəkarlar olub.
Qara Qarayev “7 gözəl”, "İldırımlı yollarla", baletlərinin, “Leyli və Məcnun” simfonik poemasının və bir çox musiqi əsərlərinin müəllifidir. O, “Don Kixot”, “Onun böyük ürəyi”, “Uzaq sahillərdə”, “Leyli və Məcnun”, “Nizami” və başqa filmlər üçün musiqi bəstələyib.
Bəstəkar 1958-ci ildə Azərbaycan SSR-in Xalq artisti, 1959-cu ildə isə SSRİ-nin Xalq artisti fəxri adlarına layiq görülüb.
Qara Qarayev 13 may 1982-ci ildə Moskva şəhərində vəfat edib və Bakının I Fəxri xiyabanında dəfn olunub.
[playlist type="video" tracklist="false" ids="161146"]
