Xudayar Müslüm oğlu Yusifzadə 15 iyul 1998-ci ildə Bərdə şəhərində anadan olub.
İlk təhsilini o, Bərdə şəhərindəki Bülbül adına 1 nömrəli Uşaq İncəsənət Məкtəbində alıb.
Yusifzadə 2016-2018-ci illərdə Dövlət Təhlühəsizliyi Xidmətinin “N” saylı hərbi hissəsində müddətli həqiqi hərbi xidmətdə olub. Hərbi xidməti başa vurduqdan sonra Xudayar Yusifzadə Sərhəd Qoşunlarında gizir kimi həqiqi hərbi qulluğa başlayıb. Tovuz döyüşlərindən bir müddət keçdikdə, könüllü olaraq cəbhəyə yollanmaq üçün müraciət edib.
Yusifzadə 44 günlük Vətən müharibəsində iştirak edib. O, əvvəlcə Füzuli rayonunda sərhəd məntəqəsində xidmətdə olub, daha sonra isə Kəlbəcər rayonu istiqamətində, Murovdağ yüksəklikləri, Cəbrayıl və Zəngilan istiqamətində gedən döyüşlərdə vuruşub.
Xudayar Yusifzadə 22 oktyabr 2020-ci ildə Zəngilan rayonunun Ağbənd qəsəbəsi uğrunda gedən döyüşlər zamanı şəhidlik zirvəsinə ucalıb. O, Bərdə şəhərindəki Şəhidlər xiyabanında dəfn olunub.
O, “Vətən uğrunda”, “Zəngilanın azad olunmasına görə” və “Cəbrayılın azad olunmasına görə” medallarına, həmçinin “Azərbaycan Bayrağı” ordeninə layiq görülüb.
Şəhid olmamışdan iki gün əvvəl Xudayar Yusifzadə Əliağa Vahidin sözlərinə yazılmış “Vətən yaxşıdır” təsnifini Zəngilanda oxuyarkən döyüş yoldaşları ilə birgə videoya alınmışdır. Onun xatirəsinə ehtiram əlaməti olaraq, həmin əsər “Xudayar təsnifi” adlandırılmışdır.
