Vahid Əziz oğlu Cəfərov 23 noyabr 1945-ci ildə Qərbi Azərbaycanın Əzizbəyov rayonunda anadan olub. O, “Vahid Əziz” kimi tanınır.
1951-ci ildə Vahid ailəsi ilə birgə Azərbaycana deportasiya olunub. O, ilk təhsilini Tərtər rayonunda alıb. Sonra isə Azərbaycan Texniki Universitetində oxuyub. Şairin bədii yaradıcılq sahəsində fəalliyəti 1967-ci ildə “Ədəbiyyat və incəsənət” qəzetində ilk şeirinin dərc olunması ilə başlayıb.
Vahid Əziz “Bayatılar” mahnısının sözlərinin müəllifidir. O, “Bayatılar” şeirini 1980-ci illərdə yazmışdır. Daha sonra həmin şeirə Eldar Mansurov mahnı bəstələmişdir. “Bayatılar” mahnısı Yunanıstan, Almaniya, İtaliya, Fransa, ABŞ, İngiltərə, İsveç, Kanada və s. ölkələrdə müxtəlif musiqiçilər tərəfindən ifa edilib.
Vahid Cəfərovun 200-dən çox publisistik məqaləsi və müsahibəsi dərc olunub, 40-dan çox mahnısına musiqi bəstələnib. 2019-cu ildə o, “Azərbaycan Respublikasının Xalq şairi” fəxri adına layiq görülüb.
